رواية سارة

كنت وكعادتي جالسه عَ الكمبيوتر واطقطق بالنت وقريت رواية للنهاية وانقهرت لانو الكاتبه باقي بارت ماكملته قالت اسبوع ولا جات حتى بعد شهر
واغلق الموضوع وللحين ماعرف النهاية .................... جااتني اختي
......: سسااره .. سااره وصمخ
ساره : نعم خير وشتبين تراني واصله لهنا (ااشرت على راسي )
يارا : خير وش فيك ..؟
ساره : الكاتبة ماكملت الرواية .. اووف .
يارا : حمدلله والشكر فكرت عندك سالفه
ساره : ياروه طلعي برا طفح فيني الكيل ... ( شوي وانفججرت ) طلععععععععععي بررررررررراااااااا
يارا (ببرود): زين انا جايه اسولف معاك
ساره : حبيبتي والله جايه تسولفين .. اوكيه ( وبحركه سريعه قمت احذف عليها المخدات ) طللعي برا طلعوا منك جننني
يارا وهي تطلع : زين زين والله توبه اجيك مره ثانيه وانتي معصبه ( سكرت الباب )
ساره : (يآحبني لك يايارا حياتي اموت فيها وش اسوي ) هههههههه الله يقطع ششررك يا يارا
يارا تفتح الباب : سمعتك تضحكين
ساره ( قلت بعصبية مصطنعه) : برا وربي لاقووم
يارا : اوف ( سكرت الباب)
ساره : والله البلشه الحين انا طفشانه شسوي .. اووف .. ( قمت سبحت ولبست بلوزه وردية بدون اكمام وشوورت جينز فوق الركبة وجوارب شفافه ونزلت تحت )
ساره : السلام عليكم
الكل : وعليكم السسلام
ابوي : ساره ابوي تعالي المجلس ابيك بموضوع
ساره : يبى قول هنا عادي محد غريب
يارا واشتغلت عندها اللقافه : ايه يبه مافيه مششكله
الكل : هههههههه
ساره : ايه يبى وش بتقول ؟؟
ابوي : ولد خالد الـ ...... سالم خططبك ...
ساره : انشالله يبا بستخير وانشاءالله خير ( طبعا انا ماحب سالم خير شر وانا مو موافقه بس قلت كذا عشان امهد لاجابتي اللي هي لا )
ابوي : ايه ساره خير ماتسوين ..
يارا : بابا
فيصل : شكبرك كبر الجحش بابا ..
الكل : هههههه
يارا : والله كيفي بابا وبابا وبابا بعد
ابوي : هلا يبه وش تبيين ..
يارا : يبى بنروح انا وساره بيت عمي هي قالت بعد ( بل بل بل هالكذاابه متى قلت لك انا ... كنت بفشلها بس قلت يلا مدامي طفشانه اروح )
ابوي : ايه ابوي روحوا بس لا تتاخرون
يارا : ان شاءلله يبى عالساعه 10 احنا هنا ..
امي واخيرا تكلمت : ايه الحين الساعه 6 صلوا المغرب اول وروحوا مع السواق
يارا وانا : انشاءلله يمى
فيصل : اي سواق انا اوديكم مع السواق هع
يارا :طيب
رحت اتجهز ورحت غرفة الملابس .. قعدت احوس واحوس لززوم الكشخه مع المهبل بنات عمي جات يارا
يارا : للحين ماخلصتي
ساره : لا تعالي ساعديني وش البس
يارا : بل كل هذا وش تلبسين
ساره : يلا وش البس
يارا : طييب شووفي هذيك البلوزه الحمرا مع هذا الجينز .. مع الطوق الاحمر اللي عندك والجزمه بيطلع رووعه
ساره : طيب طلعي خليني البس
يارا : طيب استناك تحت
ساره : طيب
لبست وخلصت وخليت شعر كيرلي وحطيت قلوس وردي وكحل اسود والطوق الاحمر والجزمه الربط الحمرا وخذت عباتي وشنطتي وجوالي ونزلت تحت
فيصل يصصفر : رووعه خيتو
ساره : اخجلتم تواضعي .. وين يارووه
فيصل : راحت المطبخ تشرب ماي
ساره : اها
يارا : يلا انا جيت
لبسنا وطلعنا برا وركبنا السياره
فيصل : كومار يلا اممشي
كومار : هادر ( حاضر )
يارا : اقول كومار حط اغاني
كومار : هادر مدام <~ ماعنده الا ذا الكلمه
فيصل : انا احط وبعدين كلميني انا موكومار
حط اغنية وجات الطير
عمرك سمعت بطير ويحب سجانه انت الوحيد الذي احيا علشانه
بححبك ياتاج فوق الراس تحلى الحياة بقربك ياسيد الاحساس ياسيد الاحساس
وصلنا بيت عمي نزلت يارا وررنت الجررس لين قالو اللي بالبيت امميين
طلع مشعل : بل بل مسويه زلزال بالبيت
ساره : معليك منها شعوول
مشعل : انا دريت انها ياروه من دقتها للجرس
يارا : مين داخل
مشعل : اهل البيت بعد مين .. (مشعل كانه بدا يستوعب يعني اتغطي ولالا ) آهآ محد غريب دخلي لاتغطين اخواني طالعين
يارا : اها
ساره : وش اخبارك مشعل ؟
مشعل : الحمدلله بخير
دخلت داخل
ساره : السلام عليكم
الكل : وعليكم السلام (رحت بست راس عمي ويده)
عمي عبدالله : هلا والله هلا بالغاليه بنت الغالي
ساره : تسلم عمي هلا فيك وين البنات اجل
عمي : فوق بغرفهم نايمين
شهقت يارا وقالت : بل عليهم نووم للحين ماقاموا
عمي : هه ايه للحين روحوا قعدوهم
رحنا فوق ودخل فيصل وسلم على عمي وقعد معه تحت واحنا على غرفة البندري دخلنا وانواع الازعاج سوينااه نفتح ونسكر بالدروج والحاله لله
البندري: ميييري بعدين دوري اغراضك بعديين اووف
يارا : احنا بنات عمك يالخبله قومي
البندري : ساره .. يارا انتوا جيتوا
ساره : لا انتي حلمانه
يارا : ايه بالله حلمانه
البندري : وااااااااااااااااااااااااااااااي (وقامت وضمتنا ) اششتققت لككم
يارا : ندري ندري
ساره : لاداعي لاداعي
يارا : طيب تعالوا نطب على الجوري
البندري : يلا تعالوا ترا غيرت غرفتها
شهقت : لييه ؟
البندري : لنوا تقول ان غرفتها القديمه الشمس عليها قويه .. فما تقدر تنام الصباح وقت السهر يعني
يارا : اها زين سووت
ساره : انتوا سبقوني قعدوها وانا بنزل تحت اشوف عمي شوي وبجي
البندري ويارا : اوكيه
ساره : سيا
البندري ويارا : سيا
نزلت تحت هروبا من ذا المعركه لان الجوري ناعمه بطبعها بس اذا هي نايمه واحد قعدها تسوي زلزال صراخ ناعم بس يفقع الاذون
نزلت الحديقه ومالبست عباتي بس خذت الطرحه احتياطا لان مشعل يقول اخوانه طالعين قعدت امششي امششي بالحديقه الكبيره
حسيت شي وراي جاي فوقفت
........: اووه نانسي عندنا بالبيت (ويد مسكت كتوفي ) البندري شتسوين هنا
...........فترة صممت طويله
......: البندري انصمختي ولا انطرمتي ( وخر ايده عن كتفي ومسك ذراعي عشان يلفني ... لفني جهته وسكت )
قلت اقطع فترة الصمت : انا ساره ( واخذت الغطايه وحطيتها على راسي يا اني اكره ذا الانسان )
محمد : ساره بنت عمي ... اسسف حسبتك البندري ولا الجوري
ساره : لاعادي .. حصل خيير ... اسمحلي ..
رقيت فوق باسرع مايكون وانا حددي مستحية من الموقف اللي صار حسيت اني غبيه هههه المهم
البندري : خلونا نطلع زهقنا من البيت
الجوري : ايه والله خنروح مجمع
يارا : ايه ساره دقي على بابا
ساره :..........آمممم افككر
يارا والبندري والجوري تجمعوا حولي وعيونها كلها شر
ساره : (طلعت جوالي ودقيت ) الحين اقوله
هلا يبى ...... شخبارك ........ هههه لزوم نسال طيب طلبتك قول تم ............. ايه قول تم ...... نبي نروح الممجمع مع بنات عمي
....... ايه .... ان شاءالله .... سلامتك يلا مع السلامه .........
كلهم يطلعوني بنظرات ترقب : خير يقول لاتروحون خلوها يوم ثاني
يارا : لا لا لا نببي اليوم ..
البندري :كلميه
الجوري : مره ثانيه
ساره : يقول روحوا بس لاتاخرون
البندري الجوري يارا : هييييييييييييييييه
ساره : اي مجمع بتروحون

يارا : مجمع الامل للطب النفسي
الجوري : زين عارفة روحك
يارا : سكتي بس
البندري : يلا خلصونا
ساره : مجمع الـ.......
الجوري : طيب انا بروح البس
البندري : وانا بعد .. انتوا نزلوا تحت لبسوا واحنا بنجيكم
ساره يارا: ططيب
ساره لـيارا : ترى محمد تحت
يارا : جد
ساره : ايه عشان كذا جبت الشيله
يارا : هاتي الشيله .... يلا ننزل
ساره : يلا

توقعاتكم .. ارائكم .. انتقاداتكم
طبعا اذا مافي رد خلال اسبوع راح اغلق الموضوع وماراح اكمله
ردودكم تهمني وتشجعني اني اكمل

والباقي بكمله لما اشوف ردود تعجبني وتحمسني واستانس عليها

آسستنآآككم .. الله يخلييييكككم ردددووآ
ما احلل اللي تقرا ولا ترد ..